მეცხრე დღის რეფლექსია

     ტრენინგის   ბოლო   დღეს    შევაჯამეთ  განვლილი  მასალა,  გავიხსენეთ    ყველა  მნიშვნელოვანი  დეტალი.  მოვისმინეთ   ტრენინგის   მონაწილეთა   პროექტების   პრე-
ზენტაცია,  მივეცით   ერთმანეთს   უკუკავშირი.
     მადლობა   ქალბატონ   შორენა   ბადურაშვილს   დაუზარებელი,   ენერგიული  მუშაობისათვის.  თქვენ  საუკეთესოთა   შორის   საუკეთესო,  პროფესიონალი    ტრენერი  ბრძანდებით!
     ტრენინგის   ყველა   მონაწილეს   ვუსურვებ   წარმატებას!

მერვე დღის რეფლექსია

      სახელმძღვანელოში  გავეცანით  ფასილიტაციის  ტექნოლოგიებს,  ვიმუშავეთ  ფასილიტაციის  რესურსის  შექმნაზე.  შევისწავლეთ,  როგორ  გამოვიყენოთ  ტექნოლოგიები  სასწავლო  პრაქტიკის  გასაუმჯობესებლად.  განვიხილეთ  ფასილიტაციის  ნიმუშები  და  სტრატეგიების  მაგალითები.  ვისწავლეთ  ელექტრონული  კითხვარის  მომხადება,  გაზიარება,  ბლოგზე  გვერდების  დამატება,  ჩვენი  საქაღალდეები  ავტვირთეთ  დისკზე,  დავასრულეთ  პროექტის  გეგმა. 

მეშვიდე დღის რეფლექსია

         გავიხსენეთ   წინა  ტრენინგზე  განხილული  საკითხები.   განვიხილეთ  მე-6  მოდული,   განსაკუთრებული  ყურადღება  გამახვილდა  დიფერენცირებულ  სწავლებაზე,  შევავსეთ  შესაფერისი  გრაფები  გეგმაში.  მოსწავლეთა  საჭიროებების  გათვალისწინებით  შევქმენით  პრეზენტაციის  დამხმარე  შაბლონი,  გამოვიყენეთ  ტრენერის  პრაქტიკული  რჩევები,  ჩვენი  პრეზენტაცია  და  გეგმა  ავტვირთეთ  ბლოგზე.

მეექვსე დღის რეფლექსია

ტრენინგზე  ვიმუშავეთ  მოსწავლეთა  ნამუშევრების  სლაიდებზე,  განვიხილეთ  მოსწავლეთა  სავარაუდო  ნაშრომები.  სახელმძღვანელოში  ვიმუშავეთ  შეფასების  რუბრიკებზე.  დავამუშავეთ  და  შევინახეთ  საქაღალდეში.  ვისაუბრეთ  მულტიმედიური  პრეზენტაციის  შეფასების  ფორმაზე,  შევქმენით  არჩეული  თემიდან  გამომდინარე  შეფასების  რუბრიკები.

მეხუთე დღის რეფლექსია

     ტრენინგზე  საინტერესოდ  წარიმართ. მუშაობა.  განვიხილეთ  ინტერნეტი  არა  მარტო  როგორც  საკომუნიკაციო  საშუალება,  არამედ  როგორც  რესურსი.  გავეცანით  საავტორო  უფლებების  დაცვას,  მოვიძიეთ  პროექტისათვის  საჭირო  სურათები,   შევავსეთ  გამოყენებული  ლიტერატურის  მარტივი  ფორმა,  გავეცანით  მეოთხე  მოდულის  ფარგლებში  მოსწავლეთა  პრეზენტაციის  ნიმუშებს.  ვიმუშავეთ  წყვილებში  და  ერთმანეთს   მივეცით  უკუკავშირი.

მეოთხე დღის რეფლექსია

      ტრენინგი  იყო  საკმაოდ  დატვირთული  დ  ნაყოფიერი.   განვიხილეთ  შეფასების  სხვადასხვა  მეთოდები  და  ინსტრუმენტები,  რომლებიც  მოვარგეთ  ჩვენს  საპროექტო  თემებს,   .ვიმუშავეთ power point-ში.  მივიღეთ  დავალება,  გავაკეთოთ  შერჩეული  საპროექტოო  თემის  მოკლე  შინაარსი.

მესამე დღის რეფლექსია

     მესამე  დღის  ტრენინგის  დაწყებისას  გავიხსენეთ  წინა  დღის  ტრენინგზე  განვლილი  მასალა/. განვიხილეთ  ჩვენი  საპროექტო  თემების  სტანდარტები  და  ინდიკატორები .  ვიმსჯელეთ  მათს  შესაბამისობაზე,  რომლებიც  გადავიტანეთ  ჩვენს  გეგმაში.  ასევე  ვიმუშავეთ  საპროექტო  თემების  მიმართულების  მიმცემ   საკვანძო კითხვებზე:

მიმართულების მიმცემი საკვანძო კითხვები
ზოგადი კითხვა	რა  გვიწყობს  ხელს  წარმატების  მიღწევაში?
თემატური კითხვები	რა  როლი  აქვს  თანამედროვე  ტექნოლოგიებს  და  ბეჭდურ  მედიას  ადამიანის  განვითარებაში?.
შინაარსობრივი კითხვები	რამდენად  მნიშვნელოვანია  წიგნი  და  კომპიუტერი ადამიანის  განვითარებისათვის? რა  არის  წიგნი  და  რისგან  მზადდება  იგი? რა  ზიანის  მიყენება  შეუძლია  დაძველებულ  წიგნს  ადამიანისათვის? როგორ  ეხმარება  კომპიუტერი  ადამიანს  ცხოვრების  აღქმაში? რა  რისკები  არსებობს  კომპიუტერის  არამიზნობრივი  გამოყენების  შემთხვევაში?

მეორე დღის რეფლექსია

   ტრენინგზე  გავიხსენეთ  წინა  სამუშაო  დღის  განვლილი  საკითხები.  მსმენელებმა  წარმოადგინეს  საპროექტო  თემები  და  მიზნები.  განსაკუთრებული  ყურადღება  გამახვილდა  იმაზედ,   თუ  რა  დიდი  მნიშვნელობა  აქვს  ბუკლეტების  შექმნას  როგორც  მოსწავლეებისათვის,  ასევე  მშობლებისათვის.  ვიმუშავეთ  ვორდში.  კიდევ  ერთხელ  გადავხედეთ  ეროვნულ  სასწავლო  გეგმას ,  რომელიც  გამოგვადგება  შემდგომ  მუშაობაში.  სამუშაო  დღით  კმაყოფილი  ვარ.

პირველი დღის რეფლექსია

     განვიხილეთ  პირველი  მოდულის  რამდენიმე  აქტივობა,რაც  ჩემთვის  საინტერესო  იყო.  შევქმენით  საქაღალდეები  პორტფოლიოსათვის,  შევქმენით  აგრეთვე   ბლოგები  და კარგად  ვიმუშავეთ  ელექტრონულ  ფოსტაზე  .მეორე  სამუშაო  დღისათვის  მივიღეთ  დავალება,  წარმოვადგინოთ  საპროექტო  თემა.  პირველი  სამუშაო  დღით  კმაყოფილი  ვარ.  სიახლეებს  ჩემს  პრაქტიკაში  დავნერგავ,  რომ  მივაღწიო  უკეთეს  შედეგებს.